Cyflwyniad i’r CynllunCyflwyniadMae Cynllun Rhannu Ceir Caerdydd wedi'i ddatblygu gan Gyngor Caerdydd mewn partneriaeth â Jambusters Limited er mwyn darparu cronfa ddata drwy’r sir gyfan ar gyfer rhannu ceir. Mae meddalwedd Cynllun Rhannu Ceir Caerdydd yn cyflwyno system gyfatebu ddatblygedig ar y fewnrwyd (dull o wneud rhannu ceir mor hwylus â phosibl yw’r meddalwedd mewn gwirionedd). Mae'r system yn dod o hyd i ranwyr ar sail ddaearyddol (man cychwyn a man gweithio) ac ar sail llwybr y daith. Mae Cyngor Caerdydd yn ymrwymedig i hyrwyddo rhannu ceir yn Sir Caerdydd. Bydd yn elfen allweddol ar gyfer twf yn y dyfodol, ac mae'n rhoi ystyriaeth ac yn dangos gofal tuag at y gymuned. Rydym yn eich annog i'n helpu i geisio lleihau tagfeydd traffig a llygredd. Ein bwriad yw agor y cynllun hwn ar gyfer cyflogwyr eraill yn Sir Caerdydd hefyd. ManteisionManteision y Cynllun
Manteision i’r Gweithwyr
Amcanion y CynllunHeb amheuaeth, y car yw’r ffordd fwyaf cyfleus o deithio i’r rhan fwyaf ohonom. Ar hyn o bryd mae dros 85% o weithwyr y DU yn defnyddio ceir i deithio i’w gwaith bob dydd. Drwy Gynllun Rhannu Ceir Caerdydd, y nod yw gwella'r sefyllfa bresennol i bawb sy'n defnyddio'r ffyrdd drwy leihau tagfeydd a lefel y traffig ar y rhwydwaith o ffyrdd yn y boreau a chyda'r nos - heb gyfyngu nac effeithio ar ddatblygiad dulliau eraill o deithio. Wrth i fwy a mwy o bobl gofrestru ar y cynllun, bydd gwell cyfleoedd i ddod o hyd i ranwyr addas ymhlith yr aelodau cofrestredig. Mae llwyddiant y cynllun yn dibynnu ar gronfa ddata hwylus a hyblyg o staff sy’n barod i gyfrannu ac elwa ar y manteision yn y tymor byr a’r tymor hir. |
